ԵԿԵՂԵՑՈՒ ՀԱՄԱՌՈՏ ՊԱՏՄՈՒԹՅՈՒՆԸ
Հայաստանյայց Ավետարանական եկեղեցին Ալավերդիում ծառայությունը սկսել է 1999 թվականից և գործել է վարձակալած տարածքում: Այդ ժամանակվանից գրասենյակն ակտիվ էր, որը համակարգում էր սոցիալական, երեխաների հովանավորության և կազմակերպչական ծրագրերը: Քրիստոնեական դաստիարակության շրջանակներում, սկսած 2000 թվականից՝ կազմակերպվել են ամառային հանգստի և բակային ճամբարներ: Սերտողությունները և կանոնավոր պաշտամունքները սկսվել են 2002 թվականից:
2004 թ.-ին ձեռք բերվեց եկեղեցաշենք, որը սկսեց գործել 2006 թ.-ից: Ինչպես գրասենյակը, այնպես էլ մնացած ծառայությունները տեղափոխվեցին և իրականացվեցին նոր շենքում: Հիմնադրման առաջին օրից գործել է կիրակնօրյա դպրոց մանուկների համար, հետագայում կազմակերպվել են նաև պատանիների և մեծահասակների համար նախատեսված ծառայություններ: Եկեղեցին հիմնադրման օրից հովվում է վեր. Արթուր Օչինյանը: 2023թ.-ի դեկտեմբերի 10-ից եկեղեցու հովվությունը վստահվել է Խաչիկ Նազարյանին:
ՀՈՎՎԻ ԿԵՆՍԱԳՐՈՒԹՅՈՒՆԸ
Պատվելի Խաչիկ Նազարյանը ծնվել է 1991 թ.-ի հուլիսի 8-ին, Ստեփանավան քաղաքում: Միջնակարգ կրթությունը ստացել է Ստեփանավանի՝ Վ. Թեքեյանի անվան թիվ 6 միջնակարգ դպրոցում: 2008-2012 թթ. սովորել է ԵՊՀ Իջևանի մասնաճյուղի ՀԳ ֆակուլտետի «Պատմություն» բաժնում և ստացել բակալավրի աստիճան։ 2012-2014 թթ.-ին ծառայել է Հայկական զինված ուժերի Արցախի Հանրապետության ՊԲ-ի Ջաբրայիլում տեղակայված զորամասում:2015-2018 թթ. աշխատել է Ստեփանավանի զորամասում՝ պայմանագրային հիմունքներով: Աշխատանքին զուգահեռ՝ 2014-2018թթ.-ին (մեկ տարվա տարկետումով) սովորել է ԵՊՀ ՀԳ ֆակուլտետի «Հայոց պատմություն» բաժնում և ստացել մագիստրոսի աստիճան։ 2019-2022 թթ. սովորել է Մերձավոր Արևելքի Աստվածաբանական դպրոցում՝ ստանալով աստվածաբանության մագիստրոսի որակավորում: 2022-2023 թթ. հովվական փորձառական շրջան է անցել ՀԱԵ Ստեփանավանում։ 2023 թ. սեպտեմբերից ծառայում է ՀԱԵ Ալավերդիում` որպես հոգևոր հովիվ։ 2024թ.-ի դեկտեմբերի 22-ին ստացել է քարոզչության արտոնություն ու պատվելիի կոչում: Ամուսնացած է, ունի մեկ դուստր և մեկ որդի։
Եկեղեցական ծառայությունները
Չորեքշաբթի- Սուրբ Գրքի սերտողություն- 12:00
Չորեքշաբթի- Աղոթաժողով- 13:00
Չորեքշաբթի և ուրբաթ - Հովվի հետ հանդիպում- 14:00
Չորեքշաբթի (II և IV)- Սերտ. ծառայողների հետ- 18:00
Հինգշաբթի (III)- Զույգերի ծառայություն- 18:00
Ուրբաթ- Հանդիպում հովվին- 14:00
Ուրբաթ- Քույրական- 16:00
Ուրբաթ- Եղբայրական- 16:00
Շաբաթ- Աշակերտաց 1- 12:00
Շաբաթ- Աշակերտաց 2- 13:00
Շաբաթ- Մանկական- 13:30
Շաբաթ- Պատանյաց - 15:00
Շաբաթ- Երիտասարդաց- 15:00
Կիրակի- Տերունական պաշտ.- 12:00
Կիրակի- «Սուպեր աղջիկներ»- 14:00
Կիրակի- Պատրաստվողներ- 14:00
