Սիրիական քաղցրավենիքներ, սարմա, քյուվթա, ձեռագործ սփռոցներ, ուլունքներով կարված նկարներ, հատուկ ներկերով պատկերազարդ ափսեներ, գործված շալեր, շարֆեր, գլխարկներ ու կիրառական եւ դեկորատիվ այլ իրեր, որոնք Հայաստանյայց Ավետարանական Եկեղեցու Բաղրամյան 18-ի համայնքի անդամները պատրաստել են իրենց ձեռքերով:
ՀԱԵ համայնքի մոտ մեկ տասնյակ շնորհաշատ անդամներ, այդ թվում եւ սիրիահայեր, իրենց աշխատանքները ներկայացրել են եկեղեցու կից սրահում:
Ձեռագործ աշխատանքների այս ցուցահանդեսն առաջին փորձն է: Նպատակը՝ համայնքային կյանքն ակտիվացնելը, միմյանց տաղանդներին ծանոթանալն ու իրար խրախուսելն է:
