Հայաստանյայց Ավետարանական եկեղեցին Աբովյան քաղաքում նոր հոգեւոր հովիվ ունի: ՀԱԵ հոգեւոր խորհրդի որոշմամբ այդ ծառայությունը ժամանակավորապես կիրականացնի ՀԱԵ Բաղրամյան 18-ում հովվի օգնական` պատվելի Ավետիք Խաչատրյանը: Դեկտեմբերի 4-ին, կիրակնօրյա պաշտամունքի ընթացքում, Բաղրամյան 18-ի ՀԱԵ համայնքի անդամները հրաժեշտ տվեցին պատ. Ավետիքին եւ միասնական աղոթք բարձրացրեցին նրա եւ ընտանիքի համար, խնդրելով Աստծուն, որպեսզի օրհնի նոր ծառայությունը, որը պատվելին ստանձնելու է ընտանիքի հետ միասին:
