ԵԿԵՂԵՑՈՒ ՀԱՄԱՌՈՏ ՊԱՏՄՈՒԹՅՈՒՆԸ
2000թ.-ի մայիսին Աբովյան քաղաքում մի խումբ քույրեր Աստծո կամքով և առաջնորդությամբ սկսեցին հոգևոր ծառայություն մատուցել քաղաքի ծերերին, ծնողազուրկ մանուկներին` միաժամանակ նրանց կերակրելով ու օգնության ձեռք մեկնելով: Ամերիկայի Հայ Ավետարանչական Ընկերակցության աջակցությամբ նրանք բացեցին Կիրակնօրյա դպրոց, որտեղ գործում էին նկարչական, փայտամշակման, թատերական, հելունագործության, ասեղնագործության, հայոց լեզվի և այլ խմբակներ: Հետզհետե Աստծուն ծառայողների խումբը մեծացավ և սկսվեց ձևավորվել Աբովյանի Հայաստանյայց Ավետարանական Եկեղեցին: Տարիներ շարունակ եկեղեցին գործել է մանկապարտեզներում կամ բնակելի շենքերի փոքրիկ սենյակներում: Այսօր էլ եկեղեցին գործում է նեղ պայմաններում, որը սակայն չի ընկճում եկեղեցու անդամներին՝ հավատարմությամբ Աստծուն ծառայություն մատուցելուն: Եկեղեցում իրենց ծառայություններն են մատուցել պատվ. Արմեն Մովսիսյանը, Պետրոս Ներսիսյանը, վեր. Համլետ Կյուրեղյանը, Սամվել Նալբանդյանը, վեր. Ավետիք Խաչատրյանը, պատ. Արամ Բաբաջանյանը: 2018-2023թ.-ի դեկտեմբերի 31-ը եկեղեցին հովվել է պատ. Արմո Արզումանյանը: 2024թ.-ի հունվարի 7-ին պաշտոնակոչությամբ հովվությունը ստանձնել է Արմեն Միսակյանը:
ՀՈՎՎԻ ԿԵՆՍԱԳՐՈՒԹՅՈՒՆԸ
Արմեն Միսակյանը ծնվել է 1988 թ.-ի սեպտեմբերի 10-ին, Երևանում: Միջնակարգ կրթությունը ստացել է Երևանի՝ Դանիել Վարուժանի անվան թիվ 89 միջնակարգ դպրոցում: 2004 թ.-ից ՀԱԵ անդամ է և ներգրավված է եկեղեցու տարբեր ծառայությունների մեջ։ 2006-2008 թթ.-ին ծառայել է Հայկական զինված ուժերում։ 2009-2012 թթ. սովորել է Հայաստանյայց Ավետարանական Աստվածաբանական Ակադեմիայում, ստացել է աստվածաբանության բակալավրի աստիճան։ 2019-2022թթ. սովորել է Բեյրութի Մերձավոր Արևելքի Աստվածաբանական Դպրոցում՝ ստանալով աստվածաբանության մագիստրոսի աստիճան: 2022-2023 թթ. հովվական փորձառական շրջան է անցել ՀԱԵ Բաղրամյան 18-ում և ՀԱԵ ՀԱԹ-ում՝ որպես օգնական հովիվ։ 2024թ.-ի հունվարի 7-ից պաշտոնակոչվել է որպես ՀԱԵ Աբովյանի հոգևոր հովիվ: 2011 թ.-ից ամուսնացած է Էլեոնորա Ծատրյանի հետ, ունեն մեկ տղա և երկու դուստր։
ԵԿԵՂԵՑԱԿԱՆ ԾԱՌԱՅՈՒԹՅՈՒՆՆԵՐԻ ԺԱՄԱՆԱԿԱՑՈՒՅՑ
Պաշտամունք
Կիրակի ժամը 11:00
Մանուկների ծառայություն
Կիրակի ժամը 13:00
Պատանիների ծառայություն
Կիրակի ժամը 15:00
Երիտասարդների ծառայություն
Հինգշաբթի ժամը 19:00
Նկարչական խմբակ
Շաբաթ ժամը 14:00
Աղոթաժողով
Երեքշաբթի ժամը 15։00
Տիկնանց աղոթաժողով
Երեքշաբթի ժամը 21։00 online
Չորեքշաբթի ժամը 15։00
Աշակերտաց
Չորեքշաբթի ժամը 16։30 Կրտսեր խումբ
ժամը 17։30 Ավագ խումբ
Սերտողություն
Շաբաթ ժամը 17։30
Զույգերի ծառայություն
Երկու շաբաթը մեկ անգամ
Եղբայրական աղոթաժողով
Ամեն ամսվա վերջին օրը՝ ժամը 21:00
Ծառայողական հանդիպում
Ամեն ամսվա վերջին կիրակի օրը՝ ժամը 17:00
