ԱԿՆՈՑ, ոչ միայն մանրուքները նկատելու այլև վստահությամբ ասելու համար, որ
«Աշխարհում
Կարող եմ
Նոր
Որակ
Ցանել»:
Աշխարհում փոփոխություն բերելը գրավիչ է հնչում, սակայն ամեն բան սկսվում է մեր ներսից:
Հայաստանի տարբեր քաղաքներից 60 պատանիներ ու երիտասարդներ օգոստոսի 28-ից 29-ը Հանքավանի Շողիկ ճամբարում էին՝ բանավիճելու, անհատական ելույթներ ունենանալու, ամփոփելու այն ինչին պատրաստվել էին մի քանի ամիս։
«Ազգային շահը գերակա՞ է արդյոք բնապահպանությունից» թեմայի շուրջ բանավեճերը ընկերային էին, ոչ մրցակցային, քանի որ նպատակը ամբարած գիտելիքներով կիսվելն էր։
Դեմ և կողմ փաստարկները հնչեցնելուց, վերջնական խաղից և ամփոփումից հետո Աստվածաշնչային ճշմարտությունը եկավ հաստատելու՝ մեզ տրված ռեսուրսները չպետք է վատնենք ագահությամբ, տեր լինենք, ինչպես, որ պատվիրել է Աստված։
ԱԿՆՈՑ-ը, Հայաստանյայց Ավետարանական եկեղեցու Քրիստոնեական Դաստիարակության բաժնի նոր նախագիծն է, որի առաքելությունն է՝ սովորեցնել պատանիներին ու երիտասարդներին քննադատական մտածելակերպ ունենալ, կարողանալ ճիշտ տեղեկատվություն հավաքագրել և ամենակարևորը՝ Աստվածաշնչի տեքստին հավատարիմ մնալ ցանկացած նյութ քննարկելիս, ինչպես նաև կարողանալ առանց բարդույթների արտահայտել սեփական մտքերը։
Բանավեճից բացի, ԱԿՆՈՑ-ի մասնակիցները նաև սեմինարների մասնակցեցին։
Աշխարհում Կարող եմ Նոր Որակ Ցանել՝ այս գաղափարախոսությամբ բաժանվեցինք՝ լիահույս, որ այսօրվա ցանածը Աստված աճեցնելու է ու ապագայում հունձք է լինելու։
Կհանդիպենք կրկին՝ նոր գիտելիքներով ու քննարկման նոր նյութերով․․․
Շուշան Ենգիբարյան
ՀԱԵ ՔԴ բաժնի աշխատակից
