Ապրիլի 24-ը Հայոց Ցեղասպանության անմեղ զոհերի հիշատակի, հարգանքի, խոնարհման, մարդկային ոճրագործությունը հիշելու և դատապատելու օր է:
Ապրիլի 24-ը, անկախ եղանակային պայմաններից, քայլերթով Ծիծեռնակաբերդ հասնելու և անմար կրակին ծաղիկներ խոնարհելու օր է նաև Հայաստանյայց Ավետարանական եկեղեցու հովիվների, ծառայողների ու համայնքի անդամների համար:
Այս տարի ևս Հայաստանյայց Ավետարանական եկեղեցին, Ամերիկայի Հայ Ավետարանչական ընկերակցության Հայաստանի գրասենյակի ղեկավար կազմի ու աշխատակիցների հետ միասին, բարձրացավ դեպի ցեղասպանության զոհերի հիշատակը հավերժացնող հուշարձան, որտեղ ծաղիկներ խոնարհելուց հետո լուռ աղոթք բարձրացվեց առ Աստված:
