Եկեղեցու համառոտ պատմությունը
Հայաստանյայց Ավետարանական եկեղեցին Երևանի Շենգավիթ համայնքում ծառայությունը սկսել է 2003-2004 թթ.-ին՝ օգտվելով Հույս Հայաստանի Համար բարեգործական կազմակերպությանը պատկանող շինությունից, որը գտնվում էր Բագրատունյաց 1-ին նրբ., 18/1 հասցեում: Դա նպաստեց նաև եկեղեցու անվան ընտրության հարցում. այն կոչվեց «Հույսի Տուն» Հայաստանյայց Ավետարանական եկեղեցի: Հովվական ծառայությունը սկսեցին Ստեփան Վարդանյանն ու Տիգրան Հարությունյանը: 2014 թ.-ից եկեղեցին գործում է Ամերիկայի Հայ Ավետարանչական ընկերակցության գրասենյակին պատկանող շենքում, որտեղ լիարժեք ծառայություն է իրականացվում՝ կիրակնօրյա պաշտամունքներ, քրիստոնեական դաստիարակություն, Աստվածաշնչի սերտողություններ տարբեր խմբերի համար, տարատեսակ խմբակներ երեխաների ու պատանիների համար: 2020 թ.-ից մեկ տարով եկեղեցու հովվությունը ստանձնեց վեր. Ավետիք Խաչատրյանը: 2021 թ.-ի սեպտեմբերից, ուղիղ 4 տարի «Հույսի Տուն» ՀԱԵ հովիվը պատվելի Սուրեն Մակարյանն էր: 2025-ի սեպտեմբերից այդ ծառայությունը ստանձնել է վեր. Գառնիկ Թութիկյանը:
Հովվի կենսագրությունը
Վեր. Գառնիկ Թութիկյանը ծնվել է 1960թ․-ին Կիրովական, ներկայիս Վանաձոր քաղաքում։ 1977թ.-ին ավարտել է միջնակարգ դպրոցը, 1983-ին՝ Երևանի ճարտարագիտական համալսարանը։ Ապաշխարել է 1993թ մայիսին, երկու տարի անց ջրային մկրտություն է ստացել։ 1995թ-ից ակտիվ ծառայում է հոգևոր դաշտում, եղել է պատանյաց, երիտասարդաց առաջնորդ, մեծահասակների աստվածաշնչի սերտողության խմբեր վարել։1998թ.-ից մինչ օրս հովվական ծառայության մեջ։ Տարբեր տարիներին հովվել է Իջևանի, Դիլիջանի, Նոյեմբերյանի, Վանաձորի ՀԱԵ համայնքները։ 2005-ին Ավարտել է Երևանի Ավետ․Աստվածաբանական ակադեմիան։ 2009-ին ձեռնադրվել որպես վերապատվելի։ Մինչև 2025թ.-ի սեպտեմբերը 25 տարի հովվել է Դիլիգանում ՀԱԵ-ն: Այժմ ՀԱԵ «Հույսի Տուն» համայնքի հովիվն է ։ Ամուսնացած է Մարինե Իսրայելյանի հետ։ Ունեն 3 զավակ և 4 թոռ։
Եկեղեցական Ծառայությունների ժամանակացույց
Կիրակնօրյա պաշտամունք
Կիրակի, ժամը՝ 11։00
Մանուկների ծառայություն
Շաբաթ, ժամը՝ 11:00
Պատանիների ծառայություն
Կիրակի, ժամը՝ 13:00
Երիտասարդների ծառայություն
Երեքշաբթի, ժամը՝ 18։15
ՍԳ սերտողություն
Ուրբաթ, ժամը՝ 18:00
ՍԳ սերտողություն կանանց համար
Չորեքշաբթի, ժամը՝ 11։00
Աշակերտաց
Հինգշաբթի, ժամը՝ 17:00
Շաբաթ, ժամը՝ 12:45
Նկարչության խմբակ
Չորեքշաբթի , ժամը՝15:30
Ուրբաթ, ժամը՝ 15։30
Դիզայնի խմբակ
Հինգշաբթի , ժամը՝15:30
