Եկեղեցու համառոտ պատմությունը
Հայաստանյայց Ավետարանական եկեղեցին Նոյեմբերյանում իր ծառայությունը սկսել է 2001 թվականին։ Սակայն դեռ 2000-ական թթ. Իջևանի Հայաստանյայց Ավետարանական եկեղեցու հովիվ վերապատվելի Ալբերտ Փայտյանն ամսական և շաբաթական այցելություններ է սկսում Նոյեմբերյան համայնքում։ 2001 թ. Հայաստանյայց Ավետարանական եկեղեցու Նոյեմբերյանի հովիվ է նշանակվում վերապատվելի Գառնիկ Թութիկյանը։ Կազմակերպվում են կիրակնօրյա պաշտամունքներ։ Մեծ ոգևորությամբ սկսում են կազմակերպվել Սուրբ Ծննդյան և Սուրբ Հարության միջոցառումներ։ Յուրաքանչյուր ամառ մանուկների համար կազմակերպվում են բակային ճամբարներ։ Գործում են կիրակնօրյա և պատանյաց խմբեր։ 2015 թ. Նոյեմբերյանի Հայաստանյայց Ավետարանական եկեղեցու հովիվ է նշանակվում պատվելի Դավիթ Բաբայանը, ով հովվում է մինչև 2023 թ.։
2023 թվականի դեկտեմբերի 3-ից մինչ օրս եկեղեցու հովիվը վերապատվելի Արթուր Օչինյանն է։
Հովվի կենսագրությունը
Վեր. Արթուր Գագիկի Օչինյանը ծնվել է 1974 թ.-ի մայիսի 13-ին, ք. Ստեփանավանում: Միջնակարգ կրթությունը ստացել է Ստեփանավանի թիվ 5 միջնակարգ դպրոցում: 1993-1995 թթ.-ին ծառայել է Հայկական Զինված Ուժերում: 1995 թ.-ին ընդունվել է իրավատնտեսագիտական համալսարան և ստացել իրավատնտեսագետի որակավորում, բակալավրի աստիճան: 1993 թ.-ից հաճախել է Ստեփանավանի ՀԱԵ և զինվորական ծառայությունից հետո ծառայել նույն եկեղեցու քրիստոնեական դաստիարակության (ՔԴ) և եկեղեցական ոլորտում: 1999 թ.-ին ԱՀԱԸ-ի կողմից նշանակվել է Ալավերդու գրասենյակի պատասխանատու և իրականացրել ՀԱԵ ծրագրեր: 2001-2005 թթ. սովորել և ավարտել է ՀԱԱԱ -ն՝ ստանալով աստվածաբանության բակալավրի կոչում: Ավարտելուց հետո շարունակել է Ալավերդու ՀԱԵ հովվությունը մինչ 2023 թ.-ի նոյեմբերը: Վերջին 1,5 տարվա ընթացքում համատեղությամբ հովվել է նաև Թումանյանի ՀԱԵ-ն: 2023 թ.-ի դեկտեմբերից ՀԱԵ Նոյեմբերյանի հոգևոր հովիվն է: Ձեռնադրվել է 2014 թ.-ին: 1999 թ.-ից ամուսնացած է ՔԴ ծառայող Գայանե Շարբաթյանի հետ, ունեն երկու երեխա:
Եկեղեցական Ծառայությունների ժամանակացույց