Եվրասիայի Հայ Ավետարանական եկեղեցիների միության (ԵՀԱԵՄ) 12 ներկայացուցիչ՝ միության նախագահ վեր. Ռընե Լևոնյանի գլխավորությամբ, այս օրերին Հայաստանում էին՝ միության տարեկան ժողովն այս տարի հայրենիքում անցկացնելու նպատակով: Առիթից օգտվելով՝ ՀԱԵ հովիվների հետ հանդիպում էր նախաձեռնվել:
Հայաստանյայց Ավետարանական եկեղեցու հովիվներն ու Եվրասիայի Հայ Ավետարանական եկեղեցիների միության ծառայողները, հունիսի 25-ին միասնական պաշտամունքի, հոգևոր հաղորդակցության ու համագործակցության մասին խոսելու առիթ ունեցան «Հույսի Տուն» ՀԱԵ-ում: Հանդիպման շրջանակներում քննարկվեցին ՀԱԵ և ԵՀԱԵՄ համագործակցության բարելավման ուղիները, որոշվեց հատուկ աշխատանք տանել երկու միությունների կապն ամրապնդելու, փոխադարձ այցելություններ ու համատեղ ծառայություններ կազմակերպելու ուղղությամբ:
