Ապրիլի 7-ին Մայր Աթոռ Սուրբ Էջմիածնի Գևորգյան հոգևոր ճեմարանի դահլիճում տեղի ունեցավ «Ցեղասպանության տարիներին Մերձավոր Արևելքի հայ հոգևորականության առաքելությունը» խորագրով միջազգային գիտաժողովը, որն անցկացվում է Մայր Աթոռ Սուրբ Էջմիածնի հովանու ներքո, ՀՀ սփյուռքի նախարարության, ԳԱԱ Արևելագիտության ինստիտուտի նախաձեռնությամբ և Մեծի Տանն Կիլիկիո Կաթողիկոսության, Հայ Կաթողիկե եկեղեցու, Հայ Ավետարանչական ընկերակցության և «Նորավանք» գիտակրթական հիմնադրամի աջակցությամբ:
Ներկաներին Հայ Ավետարանական համաշխարհային խորհրդի նախախագ վեր. Մկրտիչ Գարակէօզեանի ողջույնի խոսքը ներկայացրեց Հայաստանյայց Ավետարանական եկեղեցու ավագ հոգևոր հովիվ վեր. Մկրտիչ Մելքոնյանը:
Հայ Ավետարանչական ընկերակցության և Հայաստանյայց Ավետարանական եկեղեցուանունից գիտաժողովին զեկուցումով հանդես եկան.
1. Դոկտոր Վահրամ Շեմմասյանը - Կալիֆորնիայի Նորթրիջ նահանգային համալսարանի հայագիտական ուսումնասիրությունների ծրագրերի ղեկավար
թեմա` «Հալեպի Առաջնորդարանի մարդասիրական միջամտությունը Հայոց ցեղասպանության առաջին հանգրվանի ժամանակ»
2. Վերապատվելի դոկտոր Փոլ Հայդոստյան- Բեյրութի Հայկազյան համալսարանի նախագահ
թեմա` «Վերապատվելի Ենովք Հատիտյանը՝ 1920-1940 թթ. լիբանանահայության կազմակերպման անխոնջ ռահվիրան»
Մանրամասները՝ http://www.mindiaspora.am/am/News/3809
Գիտաժողովի մանրամասների մասին վեր. դոկ. Փոլ Հայդոստյանը և ՏերԱսողիկ քահանա Կարապետյանը պատմում են Հանրային հեռուստաընկերության «Առավոտ լուսո» հաղորդման շրջանակներում: